Plantun de Prouvènço

Pèr coumpara dos planto d'encò nostre

Sagittaria sagittifolia & Achillea nana

Sagittaria sagittifolia

Alismataceae

Noms en français : Sagittaire, Flèche-d'eau.

Descripcioun :
La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.

Usanço :
Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.

Port : Erbo
Taio : 20 à 60(150) cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sagittaria
Famiho : Alismataceae

Ordre : Alismatales

Coulour de la flour : Blanco
Petalo : 3
Ø (o loungour) flour : 15 à 20 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Mesoumediterran à Coulinen
Couroulougi : Éurasiatico
Ref. sc. : Sagittaria sagittifolia L., 1753

Genèpi(-bastard)

Achillea nana

Asteraceae Compositae

Autre noum : Genèpi-blanc.

Noms en français : Achillée naine, Faux Genépi.

Descripcioun :
Aquéu genèpi, de cop que i'a nouma genèpi-blanc, de pas counfoundre emé li "vertadié" genèpi dóu gènre Artemisia, trachis en auto mountagno i raro di coumbo à nèu. Fau dire qu'a uno bono óudour de genèpi au frounsimen. Es uno pichoto planto emé de fueio pulèu longo (2 à 7 cm) di proun bourrihudo e d'enflourejado que rèston en tèsto sarrado.

Usanço :
Èi bèn couneigu pèr li pastre pèr si prouprieta vermifujo. Coume li genèpi es uno planto que sougno li plago e li macaduro.

Port : Erbo
Taio : 5 à 20 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Achillea
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) enflourejado : 0,6 à 1 cm
Flourido : Estiéu

Sòu : Si
Autour basso e auto : 2200 à 3000 m
Aparado : Noun
Juliet à avoust

Liò : Esboudèu - Roucaio - Pelouso
Estànci : Aupen
Couroulougi : Ouroufito-Aupenco
Ref. sc. : Achillea nana L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Sagittaria sagittifolia & Achillea nana

ges

Coumpara Flècho-d'aigo emé uno autro planto

Coumpara Genèpi(-bastard) emé uno autro planto